IS COGGIUS de SANTU NICOLAU

IS COGGIUS de SANTU NICOLAU

01)Giai chi tantu su Signori dignidadi no s’ha donau . - R . //

R . // Santu opispu Nicolau siais nostru intercessori, siais nostru intercessori .

02)Veramenti vestis, Nicolau, de is Santus miraculosus, de tottus cerriau babbu de is necessitosus, Bosu de is corus penosus vestis veru consoladori . - R . //

03)Cun prodigiu evidenti de pippiu digiunastis, su latti a sa dì pigastis una borta solamenti, s’indi mereviglia sa genti prena de tanti stupori . - R . //

04)Tres giovunas eis dotau in istadu de poberesa, po non perdi sa puresa de unu Deus tanti amau, Bosu sempiri heis circau de da sa mantenni in s’onori. - R . //

05)S’endessì unu giovani mudu de fueddu in tottu privau e cun su bostu saludu tottu sanu d’eis torrau, a Bosu si d’hari ordinau su Divinu Signori . - R . //

06)Benendi de Palestina ablandastis sa tempestadi e cun podestadi divina donastis tranquillidadi, cun sa bosta santidadi cessastìs burrasca e timori. - R. //

07)Torrastis cun ammirazioni a sa cittadi de Mira, cessa su mari e s’ira po divina ispirazioni e si vestis s’elezioni de unu opispu e Pastori . - R . //

08)Tottus is benis chi tenestis acquistaus cun preferenzia e cun liberali clemenzia a is poberus dividestis e in donia bisungiu festis unu grandu consoladori . - R . //

09)Is miraculus operaus funti tottus manifestus e is malis prus funestus funti de Bosu curaus, zurpus e mortus torraus salvus de pena e dolori . - R . //

10)In custa festa solenni elevaus un’arresu novellu, chi cudda dì pozzara beni de meresci gloria in su scellu, chi esti su vantu prus bellu de Gesusu su grandi amori . - R . //

11)Gloria siada a sa Trinidadi tres personas in unu Deus, po tottu s’eternidadi a tott’is tresi allabeus, Babbu e Fillu celebreus cun su Spiritu Santu, amori . - R . //